మంకీపాక్స్…కరోనా మాదిరి ప్రాణాలు తోడేసే ఓ వ్యాధి. దీనిప్రభావంతో ఇప్పటికే కొన్నిదేశాలు గజగజలాడిపోతున్నాయి. ప్రపంచ ఆరోగ్య సంస్థ ఇప్పటికే ఈ వ్యాధిపై ప్రపంచ దేశాలకు హెచ్చరికలు జారీచేయడంపై…మనదేశం అప్రమత్తమైంది.
అధికారులతో ప్రధాని మోదీ సమీక్ష
పలుదేశాల్లో డేంజర్ బెల్స్ మోగిస్తున్న మంకీపాక్స్ భారత్‌లోకి రాకుండా అడ్డుకునేందుకు ఉన్నతాధికారులతో ప్రధాని మోదీ సమీక్ష చేపట్టారు. ప్రిన్సిపల్ సెక్రటరీ డా.పీకే మిశ్ర నేతృత్వంలోని అధికారుల బృందంతో ఉన్నతస్థాయి సమీక్ష నిర్వహించారు.
మంకీపాక్స్‌పై ప్రధాని దిశానిర్దేశనం
రాష్ట్రాల్లో టెస్టింగ్‌ ల్యాబ్‌లు ఏర్పాటుచేయాలి..వ్యాధిని త్వరగా గుర్తించేలా చర్యలు తీసుకోవాలి…ఈ ఏడాదిలో వరల్డ్‌వైడ్‌గా సుమారు 16వేల కేసులు నమోదయ్యాయని గుర్తుచేసిన ఆయన…ఇప్పటికే మంకీపాక్స్‌తో 537 మంది చనిపోయారని తెలిపారు. మంకీపాక్స్ లక్షణాలపై ప్రజల్లో విస్తృతమైన అవగాహన కల్పించాలని సూచించిన ప్రధాని…వ్యాధిని అడ్డుకోవడానికి అందరూ కలిసిగట్టుగా పనిచేయాలని పిలుపునిచ్చారు. కాగా, ఇప్పటికే ఆఫ్రికాదేశంలోని అనేక రాష్ట్రాల్లో మంకీపాక్స్ విస్తరిస్తున్న వేళ ప్రపంచ ఆరోగ్య సంస్థ… పబ్లిక్ హెల్త్ ఎమర్జెన్సీ ఆప్‌ ఇంటర్నేషనల్ కన్సర్న్‌గా ప్రపంచ దేశాలకు హెచ్చరికలు జారీచేసింది.
