ధనుష్ హీరోగా నటిస్తున్న రాయన్ తెలుగు ట్రైలర్ ను నిన్న హైదరాబాద్ లో జరిగిన ఈవెంట్ లో రిలీజ్ చేశారు. తనకు ఇది 50వ సినిమా కావడంతో తన డైరెక్షన్ లోనే ప్రెస్టీజియస్ గా గా రూపొందించారు ధనుష్. ఎస్ జే సూర్య, ప్రకాష్ రాజ్, సందీప్ కిషన్, అపర్ణ బాలమురళి, దుషారా విజయన్ కీ రోల్స్ లో నటించారు. రాయన్ సినిమా ఈ నెల 26న థియేటర్స్ లోకి రాబోతోంది. ఈ మూవీ ట్రైలర్ ఎలా ఉందో చూస్తే..
ఇదీ చదవండి: అమెరికా అధ్యక్ష రేసులోకి కమలా హారిస్
అడవిలో పులి, సింహం ప్రమాదకరమైన జంతువులే కానీ వాటి కంటే ప్రమాదకరమైన జంతువు తోడేలు. పులి సింహం తలపడితే సింహం గెలుస్తుంది కానీ తోడేళ్లు ప్లాన్ ప్రకారం చుట్టుముట్టి సింహాన్ని చంపేస్తాయి అనే పవర్ ఫుల్ డైలాగ్స్ నటుడు సెల్వరాఘవన్ చెబుతుండగా ట్రైలర్ సాగింది. ధనుష్ యాక్షన్ సీక్వెన్సులు ఆకట్టుకున్నాయి. ఎస్ జే సూర్య విలన్ గా కనిపించారు. ఎస్ జే సూర్య, ధనుష్ మధ్యే మెయిన్ కాన్ ఫ్లిక్ట్ ఉండబోతోంది. సందీప్ కిషన్ ధనుష్ కు సపోర్టింగ్ రోల్ చేశారు. మొత్తంగా చూస్తే యాక్షన్ ప్యాక్డ్ గా రాయన్ ట్రైలర్ ఇంప్రెస్ చేస్తోంది.
