క్యారెక్టర్ ఆర్టిస్టుగానో, కమెడియన్ గానో బిజీ అయిన వాళ్లను దారి తప్పేలా చేసేందుకు చాలా మంది రెడీగా ఉంటారు. ఇలాంటి వాళ్ల క్రేజ్ ను క్యాష్ చేసుకునేందుకు మీరే లీడ్ రోల్ అంటూ ఊరిస్తారు. స్క్రీన్ మీద లీడ్ రోల్ లో తమని తాము చూసుకోవాలని దురాశ పడే ఈ ఆర్టిస్టులు…అవి వర్కవుట్ అవక, ఇటు క్యారెక్టర్స్ పోయి రెండు విధాలా నష్టపోతారు. టాలీవుడ్ ఇలా దారి తప్పిన ఆర్టిస్టులను, కమెడియన్స్ ను ఎంతోమందిని చూసింది. వీరి లిస్టులో అజయ్ ఘోష్ కూడా చేరబోతున్నాడు.
సీపీఎం ప్రజా నాట్య మండలి నుంచి వచ్చి టీవీ లో ప్రోగ్సామ్స్ చేస్తూ పేరు తెచ్చుకున్న అజయ్ ఘోష్..ఆ తర్వాత క్యారెక్టర్ ఆర్టిస్టుగా, విలన్ గా ఫేమ్ అయ్యారు. ఇప్పుడు ఆయనే లీడ్ రోల్ లో మ్యూజిక్ షాప్ మూర్తి అనే సినిమా చేస్తున్నాడు. ఈ సినిమాలో చాందినీ చౌదరి ఫీమేల్ లీడ్ చేస్తోంది. శివ పాలడుగు దర్శకత్వం వహిస్తున్న ఈ సినిమా పోస్టర్ ఇవాళ రిలీజ్ చేశారు. ఇందులో అజయ్ ఘోష్ తన న్యాచురల్ అప్పీయరెన్స్, గెటప్ కు భిన్నంగా కనిపిస్తున్నారు.