ఇటీవలి ఏపీ ఎన్నికల్లో పవన్ కల్యాణ్ జనసేనకు సపోర్ట్ చేయకుండా వైరి వర్గం వైసీపీ అభ్యర్థి కోసం అల్లు అర్జున్ నంద్యాల వెళ్లడం సంచలనం సృష్టించింది. ఇది మెగా ఫ్యామిలీలోని విబేధాలు చూపించిందనే మాటలు వినిపించాయి. దీనిపై తన అభిప్రాయం తెలియజేశారు నిర్మాత బన్నీవాస్. మెగా ఫ్యామిలీ ఎప్పుడూ కలిసే ఉంటుందని ఆయన అన్నారు. కొన్ని సందర్భాల వల్ల ఫ్యామిలీలో ఇబ్బందులు ఏర్పడుతుంటాయి కానీ ఆ ఇబ్బందులు వారిని దూరం చేయలేవు అని ఆయన అన్నారు. వారి ఐకమత్యం ఎలాంటిదో తెలిపే సందర్భంగా తప్పకుండా వస్తుందని, అలాంటి సందర్భం కోసం వేచి చూస్తున్నామని బన్నీవాస్ అన్నారు.
ఇంకా చుడండి: పుష్ప-2 రూమర్స్‌పై బన్నీవాస్ క్లారిటీ
బన్నీవాస్ మాట్లాడుతూ – కొన్నిసార్లు మనం తీసుకునే వ్యక్తిగత నిర్ణయాల వల్ల కొన్ని ప్రాబ్లమ్స్ ఫేస్ చేయాల్సి వస్తుంది. సందర్భం వస్తే మెగా ఫ్యామిలీలో ఒకరికోసం మరొకరు ఎంతో సపోర్ట్ గా వస్తారు. చిరంజీవి గారికి ప్రతి సంక్రాంతికి ఫ్యామిలీ మొత్తాన్ని బెంగళూరు తీసుకెళ్తుంటారు. కుటుంబం కలిసి పండగ సెలబ్రేట్ చేసుకోవాలని ఆయన భావిస్తారు. మెగా ఫ్యామిలీని దగ్గరగా చూసే వ్యక్తిగా ఆ ఫ్యామిలీ బాగుండాలి, బాగుంటుందని ఆశిస్తాను. అన్నారు.
