‘బచ్చల మల్లి’ టీజర్..!
ఊరమాస్ గెటప్‌లో అల్లరి నరేష్..!
అల్లరి నరేష్ ఊరమాస్ లుక్‌లో వస్తున్న ‘బచ్చల మల్లి’ టీజర్ అదిరింది..ఇందులో మూర్ఖుడిగా, ఎవరిమాట వినని మొరటోడుగా కనిపించడం, దానికి తగ్గ క్యారెక్టర్‌లో ఒదిగిపోయిన తీరు అందరినీ షాక్‌కు గురిచేస్తుంది. అల్లరి నరేష్ హాస్య చిత్రాలనుంచి బయటకి వచ్చాక చాలా చిత్రాల్లో మాస్ గెటప్‌లో కనిపించడం చూస్తూనే ఉన్నాం…గమ్యం, శంభో శివ శంభో లాంటి చిత్రాల్లో మాస్ లుక్‌తో, దానికి తగ్గ మేనిరిజమ్స్‌తో ప్రేక్షకులకు దగ్గరయ్యాడు. కేవలం కామెడీ పీస్‌ అనకున్నోళ్లంతా, ఇప్పుడు నరేష్ ఉగ్రరూపం చూసి ఖంగుతింటున్నారు.
ఈ టీజర్ చూస్తుంటే హీరో క్యారెక్టర్‌ పేరు మల్లి అని తెలుస్తుంది. రా & రస్టిక్ లుక్‌లో మోతమోగించాడు మన మల్లి. ఈ సినిమాను తన భుజాలపై వేసుకుని ముందుకు నడిపించాడని ఇట్టే అర్థమవుతుంది. హాస్యా మూవీస్ బ్యానర్‌పై రాజేశ్ దండా, బాలాజీ గుత్తా ‘బచ్చల మల్లి’ని నిర్మిస్తుండగా సుబ్బు మంగాదేవి దర్శకత్వం వహించారు. అల్లరి నరేష్‌కు జంటగా అమృత అయ్యర్ హీరోయిన్‌గా నటించింది. అల్లరి నరేశ్‌ ‘బచ్చల మల్లి’ చిత్రం డిసెంబర్ 20న విడుదలకు సిద్ధంగా ఉంది.
