బ్లాక్‌బస్టర్ ‘మగధీర’ ఫేమ్ దేవ్ కథానాయకుడిగా దేవ్ గిల్ ప్రొడక్షన్స్ బ్యానర్‌పై రూపొందుతోన్న చిత్రం ‘అహో! విక్రమార్క’. పేట త్రికోటి దర్శకత్వం వహిస్తున్నారు. ఈ సినిమాను ఆగస్ట్ 30న తెలుగు, త‌మిళ, హిందీ, కన్న‌డ భాష‌ల్లో విడుదల చేస్తున్నారు. దీనికి సంబంధించిన అధికారిక ప్ర‌క‌ట‌న ఇస్తూ మేక‌ర్స్ పోస్ట‌ర్‌ను విడుదల చేశారు. రిలీజ్ డేట్ పోస్ట‌ర్‌ను గ‌మనిస్తే హీరో ప‌వ‌ర్‌ఫుల్ పోలీస్ ఆఫీస‌ర్ పాత్ర‌లో న‌టిస్తోన్న దేవ్ విల‌న్‌కు గ‌ట్టి పంచ్ ఇస్తున్నారు.
చదవండి: “హనుమాన్” నిర్మాతల చేతికి రామ్ “డబుల్ ఇస్మార్ట్”
ఈ సంద‌ర్భంగా హీరో దేవ్ మాట్లాడుతూ ‘‘‘అహో! విక్రమార్క’తో, పోలీసుల ధైర్యం, అంకిత భావాన్ని గొప్పగా చూపించబోతున్నాం. సినిమా చాలా బాగా వచ్చింది. ఆగస్ట్ 30 పాన్ ఇండియా లెవ‌ల్లో భారీ లెవ‌ల్లో విడుదల చేస్తున్నాం. ఇప్ప‌టి వ‌ర‌కు నాలోని న‌టుడిని ఓ కోణంలో చూసిన ప్రేక్ష‌కులు మ‌రో కోణాన్ని వెండితెర‌పై చూస్తారు’’ పేర్కొన్నారు. దర్శకుడు పేట త్రికోటి మాట్లాడుతూ ‘‘అహో! విక్రమార్క’ సినిమా పోలీసుల పవర్‌ను తెలియ‌జేసేది. సినిమాను అనుకున్న ప్లానింగ్ ప్రకారం రూపొందించాం. ఫ‌స్ట్ లుక్‌, టీజ‌ర్‌ల‌కు చాలా మంచి స్పంద‌న వచ్చింది. దేవ్ ను స‌రికొత్త‌గా చూస్తారు. ఆగస్ట్ 30న ఈ చిత్రం పాన్ ఇండియా మూవీగా ప్రేక్ష‌కుల ముందుకు రానుంది’’ అన్నారు.
