దర్శకేంద్రుడు రాఘవేంద్రరావు సినిమాల్లో పాటలు సూపర్ హిట్. ఆయనకు మంచి మ్యూజిక్ టేస్ట్ ఉంది. అలాంటి రాఘవేంద్రరావు గారికే పాట నచ్చడం అంటే ఆ పాట నిజంగానే స్పెషల్ అని చెప్పాలి. ఆ పాటే చేతన్ కృష్ణ, హెబ్బా పటేల్ హీరో హీరోయిన్లుగా నటిస్తున్న “ధూం ధాం” సినిమాలోని అందమైన కుందనాల బొమ్మరా.. ఈ రోజు ఈ పాటను దర్శకేంద్రుడు రాఘవేంద్రరావు విడుదల చేశారు. గోపీ సుందర్ మంచి బీట్ తో కంపోజ్ చేసిన ‘కుందనాల బొమ్మ..’ పాటకు ‘సరస్వతీ పుత్ర’ రామజోగయ్య శాస్త్రి అందమైన సాహిత్యాన్ని అందించారు. సింగర్ శ్రీకృష్ణ పాడారు. ‘అందమైన కుందనాల బొమ్మరా అన్నమయ్య కీర్తనల్లే ఉందిరా..పద్దతైన పారిజాత పువ్వురా.. నేనంటే ఇష్టమంటోందిరా..’ అంటూ ఆకట్టుకుందీ పాట.
“ధూం ధాం” చిత్రాన్ని ఫ్రైడే ఫ్రేమ్ వర్క్స్ బ్యానర్ పై ఎంఎస్ రామ్ కుమార్ నిర్మిస్తున్నారు. “ధూం ధాం” సినిమాను లవ్, ఫ్యామిలీ ఎంటర్ టైనర్ గా దర్శకుడు సాయి కిషోర్ మచ్చా రూపొందిస్తున్నారు. గోపీ మోహన్ స్టోరీ స్క్రీన్ ప్లే అందిస్తున్నారు. ఈ సినిమా వచ్చే నెలలో గ్రాండ్ థియేట్రికల్ రిలీజ్ కు రెడీ అవుతోంది.
