మాస్క్ మ్యాన్ తో కొత్తగా ప్రచారం చేయడం వల్లే “ఆపరేషన్ రావణ్” సినిమా ప్రేక్షకుల దృష్టిని ఆకర్షించిందని అన్నారు ప్రముఖ దర్శకుడు మారుతి. ఈ రోజు ఆయన అతిథిగా “ఆపరేషన్ రావణ్” సినిమా ప్రి రిలీజ్ ఈవెంట్ జరిగింది. రక్షిత్ అట్లూరి హీరోగా నటిస్తున్న ఈ సినిమాలో రాధిక శరత్ కుమార్ కీలక పాత్రలో కనిపించనున్నారు. ఈ చిత్రాన్ని దర్శకుడు వెంకట సత్య తెలుగు మరియు తమిళ బాషల్లో రూపొందిస్తున్నారు. సంగీర్తన విపిన్ హీరోయిన్ గా నటిస్తోంది. “ఆపరేషన్ రావణ్” సినిమా ఈ నెల 26వ తేదీన రిలీజ్ కు రాబోతోంది. ఈ సినిమా ప్రీ రిలీజ్ ఈవెంట్ లో
దర్శకుడు వెంకట సత్య మాట్లాడుతూ – నేను, మా రక్షిత్ మూవీ కెరీర్ లోకి రావడానికి మారుతి గారే కారణం. ప్రేమ సెన్సిబిలిటీస్ ఎలా ఉంటాయో ఈ సినిమాలో చూపిస్తున్నాం. ప్రేమ ఇవ్వడం అనేది ఒకరకంగా ఉంటుంది. ప్రేమ అంతా నాకే కావాలని అనుకున్నప్పుడు మరో రకంగా ఉంటుంది. ఎంత డీప్ ప్రేమ, ఎంత వయలెంట్ గా మారింది అనేది ఈ సినిమాలో తెరకెక్కించాం. అన్నారు.
చదవండి: అల్లరి పిల్ల అమ్ములుగా గుర్తుంటాను
డైరెక్టర్ మారుతి మాట్లాడుతూ – లండన్ బాబులు అనే మూవీతో మెల్లిగా మొదలైన రక్షిత్ జర్నీ పలాసతో పీక్స్ కు వెళ్లింది. ఆ సినిమాలో తన నటనతో మెస్మరైజ్ చేశాడు రక్షిత్. అతనిలో పట్టుదల అంకితభావం ఉన్నాయి. మన పక్కింటి కుర్రాడిలా అనిపిస్తాడు. “ఆపరేషన్ రావణ్” సినిమాతో రక్షిత్ మరింత మంచి పేరు తెచ్చుకోవాలి. ఈ మాస్క్ మ్యాన్ ఎవరు అనే క్యూరియాసిటీ క్రియేట్ చేశారు వెంకట సత్య గారు. “ఆపరేషన్ రావణ్” టీమ్ అందిరకీ ఆల్ ది బెస్ట్. అన్నారు.
