ప్రభాస్, హను రాఘవపూడి కాంబినేషన్లో రూపొందే మూవీ ఇటీవల ప్రారంభమైంది. ఈ మూవీకి ఫౌజీ అనే టైటిల్ పరిశీలనలో ఉంది. అయితే.. ఇందులో ప్రభాస్ కు జంటగా ఇమాన్వి నటిస్తోంది. ఈ మూవీ ఓపెనింగ్ లో ఆమె ఫోటోలు బయటకు వచ్చినప్పటి నుంచి అసలు ఈ ఇమాన్వి ఎవరు..? తొలి సినిమాకే ప్రభాస్ కు జంటగా నటించే ఛాన్స్ ఎలా దక్కించుకుంది అనేది హాట్ టాపిక్ అయ్యింది.
ఇంతకీ.. ఇమాన్వి ఎవరంటే.. ఇమాన్వి సోషల్ మీడియాలో ఉండే జనాలకు పరిచయం అవసరం లేదు. సోషల్ మీడియాలో లేని జనాలకు అయితే కొత్తే. ఇమాన్వి పుట్టింది ఢిల్లీలో. ఆమెకు డ్యాన్స్ అంటే పిచ్చి. ఎంబిఏ చదవినా డ్యాన్స్ పట్ల ఇంట్రస్ట్ తో నిత్యం ప్రాక్టీస్ చేస్తుంటుంది. కొత్త కొత్త స్టెప్పులు కనిపెడుతుంటుంది. ఇమాన్వి ఇంట్రెస్ట్ గురించి తెలుసుకున్న ఫాదర్.. కూతురు ఆసక్తిని గమనించి యూట్యూబ్ ఛానల్ పెట్టేందుకు ప్రోత్సహించారు. దీంతో ఉద్యోగానికి రాజీనామా చేసిన ఇమాన్వి ఫుల్ టైం డాన్సర్ గా మారిపోయింది. ఈవెంట్స్, రీల్స్ అంటూ నిత్యం ఇదే ప్రపంచంగా ఉండిపోయింది. ఇన్స్ టాలో ఇప్పటికే ఏడు లక్షల ఫాలోయర్లు తన సొంతం చేసుకుంది. దీనిని బట్టి ఆమెకు ఎంత క్రేజ్ ఉందో అర్థం చేసుకోవచ్చు.
ఇమాన్వి హను రాఘవపూడి దృష్టిలో పడింది. ప్రభాస్ తో చేస్తోన్న భారీ పీరియాడిక్ ఫిల్మ్ లో కథానాయికగా ఫైనల్ చేశారు. అందాల రాక్షసి నుంచి సీతారామం వరకు హను సినిమాల్లో కథానాయికలకు ఎంతో ప్రాధాన్యత ఇస్తారో తెలిసిందే. ఇప్పుడు ఇమాన్వి పాత్రకు చాలా ఇంపార్టెన్స్ ఉంటుందని టాక్ వినిపిస్తోంది. ఈ భారీ, క్రేజీ మూవీ ఓపెనింగ్ సందర్భంగా ప్రభాస్ ని చూస్తూ మురిసిపోతూ, చుట్టూ ఉన్న వాతావరణానికి ఉద్వేగానికి గురైంది. ఆ టైమ్ లో ఆమె ఇచ్చిన హావభావాలు సోషల్ మీడియాలో వైరలయ్యాయి. ఆమెకున్న క్రేజ్ చూస్తుంటే.. ఈ సినిమా రిలీజ్ కాకుండానే భారీ ఆఫర్స్ క్యూ కట్టడం ఖాయం అనిపిస్తోంది.
