మాస్ మహరాజ్ రవితేజ కుడిచేతికి గాయం అయింది. ప్రస్తుతం ఆయన 75వ సినిమా షూటింగ్లో ఉన్నారు. ఓ సీన్ చిత్రీకరిస్తుండగా గాయం అయిందని ఫిల్మ్ వర్గాల టాక్. అయితే చిన్న గాయమే కదా అని లైట్ తీసుకుని షూటింగ్ కంటిన్యూ చేశాడట రవన్న. దీంతో అది తీవ్రమైన నొప్పిగా మారిందని తెలుస్తోంది. ఈ కారణంగా షూటింగ్కు విరామం ప్రకటించి యశోద హాస్పిటల్ లో సర్జరీ చేయించుకున్నాడు. నెలన్నర పైగా విశ్రాంతి అవసరమని వైద్యులు సూచించారట. మరోవైపు త్వరలోనే ఆయన హాస్పిటల్ నుంచి డిశ్చార్జ్ చేస్తామని వైద్యులు తెలిపారు.
ఇటు సినిమాల్లో..అటు షూటింగ్లోనూ..?
మాస్ మహరాజ్కు దెబ్బ మీద దెబ్బ..!
కుడిచేతికి సర్జరీ కారణంగా సుమారు 2 నెలలుపాటు కెమెరా ముందుకు వెళ్లలేని పరిస్థితి ఒక ఎత్తయితే…ఈ మధ్యకాలంలో హిట్ అంటే ఏంటో తెలియని హీరోల లిస్టులో చేరిపోయాడు రవితేజ. రీసెంట్గా హరీశ్ శంకర్ డైరెక్షన్లో వచ్చిన మిస్టర్ బచ్చన్ మూవీ బాక్సాఫీస్ వద్ద బెండు అయిపోయింది. డిజాస్టర్ మూటగట్టుకుంది. ఏదేమైనా రవితేజ ఫ్లాపులకు అలవాటు పడిపోయాడని సినీ క్రిటిక్స్ అంటున్నారు. చాలాకాలంగా ఒకదాన్ని మించి ఒకటి డిజాస్టర్ అవుతున్నాయి. ఇక గాయం కారణంగా నిలిచిపోయిన ప్రస్తుత 75వ సినిమా సంక్రాంతికి విడుదల చేయాలనే ప్లానింగ్లో ఉన్నారట చిత్ర యూనిట్. రవితేజ సర్జరీతో సినిమా విడుదల మరింత ఆలస్యమయ్యే అవకాశాలు లేకపోలేదని టాక్ కూడా నడుస్తోంది.
