బ్యాక్ టు బ్యాక్ సక్సెస్ ఫుల్ వెబ్ సిరీస్ స్ట్రీమింగ్ చేస్తున్న డిస్నీ ఫ్లస్ హాట్ స్టార్..న్యూ ఇయర్ గిఫ్ట్ గా ప్రేక్షకుల ముందుకు మిస్ పర్పెక్ట్ పేరుతో ఒక సరికొత్త రొమాంటిక్ కామెడీని తీసుకొస్తోంది. మిస్టర్ పర్ఫెక్ట్ అంటే పాన్ ఇండియా స్టార్ ప్రభాస్ గుర్తుకొస్తారు. అదే మిస్ పర్ఫెక్ట్ అంటే లావణ్య త్రిపాఠీ గుర్తొచ్చేలా ఈ వెబ్ సిరీస్ ఉంటుందని చెబుతున్నారు మేకర్స్.
లావణ్య త్రిపాఠీ, అభిజీత్ దుద్దాల, అభిజ్ఞ ఉతలూరు కీలక పాత్రల్లో నటిస్తున్న ఈ వెబ్ సిరీస్ ను అన్నపూర్ణ స్టూడియోస్ బ్యానర్ పై సుప్రియ యార్లగడ్డ నిర్మిస్తున్నారు. మిస్ పర్ఫెక్ట్ ఫస్ట్ లుక్ పోస్టర్ ను ఇవాళ రిలీజ్ చేశారు. ఈ సందర్భంగా లావణ్య త్రిపాఠీ స్పందిస్తూ ‘న్యూ ఇయర్ ను పర్ఫెక్ట్ గా మొదలుపెట్టబోతున్నాం…’ అంటూ ట్వీట్ చేసింది. ఈ వెబ్ సిరీస్ హాట్ స్టార్ స్పెషల్స్ గా త్వరలో స్ట్రీమింగ్ కాబోతోంది.
ఈ సందర్భంగా ప్రొడ్యూసర్ సుప్రియ యార్లగడ్డ మాట్లాడుతూ – “మిస్ పర్ఫెక్ట్” లాంటి ఒక యూనిక్ స్టోరీని మీ ముందుకు తీసుకొస్తున్నందుకు సంతోషంగా ఉంది. మన జీవితాల్లో అనుకోకుండా ఏర్పర్చుకునే కొన్ని కనెక్షన్స్ ఎలాంటి మలుపులు తీసుకుంటాయి అనే కథతో ఎంటర్ టైనింగ్ లవ్ స్టోరీగా “మిస్ పర్ఫెక్ట్” ను రూపొందించాం. అన్ని వర్గాల ఆడియెన్స్ ఈ సిరీస్ తో కనెక్ట్ అవుతారు. ప్రేక్షకులందరూ ఆదరిస్తారని ఆశిస్తున్నాను. అన్నారు.