అందంతో పాటు మంచి పర్ ఫార్మ్ చేయగలదు హీరోయిన్ నభా నటేష్. అందుకే చాలా మందికి కష్టమైన స్ప్లిట్ పర్సనాలిటీ క్యారెక్టర్ ను ఆమెతో డార్లింగ్ సినిమాలో చేయించారు దర్శకుడు అశ్విన్ రామ్. ఆమె స్ప్లిట్ పర్సనాలటీ ఉన్న ఆనంది క్యారెక్టర్ లో తన పర్ ఫార్మెన్స్ తో అందరినీ ఆకట్టుకుంది. “డార్లింగ్” సినిమాలో నభా నటేష్ చెప్పిన డైలాగ్స్ సోషల్ మీడియాలో వైరల్ అవుతున్నాయి. ఎంతోమంది ఇన్ఫ్లుయెన్సర్స్ నభా డైలాగ్ తో రీల్స్ చేస్తున్నారు.
చదవండి: “వీడీ 12” ప్రేక్షకుల ముందుకు వచ్చేది ఆరోజే
నభా నటేష్ తన మొదటి సినిమా నన్ను దోచుకుందువటే నుంచే ఇలాంటి మంచి నటిగా పేరు తెచ్చుకుంది. అందంతో పాటు ఆకట్టుకునే పర్ ఫార్మెన్స్ చేయగల నాయికగా గుర్తింపు దక్కించుకుంది. కెరీర్ లో చిన్న గ్యాప్ తర్వాత టాలీవుడ్ లో మళ్లీ వరుస క్రేజీ ప్రాజెక్ట్స్ తో సందడి చేస్తోంది నభా నటేష్. ఆమె ఖాతాలో నిఖిల్ సరసన నటిస్తున్న భారీ పాన్ ఇండియా ప్రాజెక్ట్ “స్వయంభు” ఉంది.
