నాగార్జున హీరోగా నటించిన ‘నా సామిరంగ’ సినిమా ట్రైలర్ ఇవాళ రిలీజ్ చేశారు. ఈ ట్రైలర్ లో సరసం, నరకడం తెలిసిన కిట్టయ్య క్యారెక్టర్ లో నాగార్జున ఆకట్టుకున్నారు. ఐదారు ప్రధాన పాత్రలతో సినిమా కథ బలంగా ఉన్నట్లు ట్రైలర్ ద్వారా తెలుస్తోంది. యాక్షన్, రొమాన్స్ మిక్స్ చేసి పవర్ ఫుల్ ట్రైలర్ కట్ చేశారు. గ్రామీణ వాతావరణంలో ‘నా సామిరంగ’ సినిమా సాగనుంది. ఇక్కడ దేవుడికి సంప్రదాయంగా జరిగే వేడుకల విషయంలో హీరోకు విలన్ కు మధ్య ఘర్షణ జరుగుతున్నట్లు చూపించారు. ఈ గొడవల్లో హీరో కిట్టయ్య చేసే వీరంగంలో హీరోయిజం బిల్డప్ చేశారు.
అల్లరి నరేష్, రాజ్ తరుణ్ తో పాటు హీరోయిన్స్ అషికా రంగనాథ్, మిర్నా మీనన్, రుక్సార్ ధిల్లాన్ లకు మంచి కీ రోల్స్ ఉన్నాయి. మలయాళ నేటివిటీ లేకుండా తెలుగు వెర్షన్ కు వీలైనంత మేనేజ్ చేశారు. పండుగ వాతావరణం ‘నా సామిరంగ’ ట్రైలర్ లో కనిపించింది. శ్రీనివాసా సిల్వర్ స్క్రీన్స్ బ్యానర్ లో దర్శకుడు విజయ్ బిన్నీ రూపొందించిన ‘నా సామిరంగ’ ఈనెల 14న గ్రాండ్ గా విడుదల కానుంది.