కమెడియన్ వేణు బలగం అనే చిన్న సినిమాతో పెద్ద విజయ సొంతం చేసుకోవడం తెలిసిందే. దిల్ రాజు ఈ చిత్రాన్ని నిర్మించినప్పటికీ.. ఫస్ట్ నుంచి ఈ సినిమా పై పెద్దగా అంచనాలు లేవు. అయితే.. ఊహించని విధంగా బలగం అన్నివర్గాల ప్రేక్షకులను ఆకట్టుకుని బాక్సాఫీస్ దగ్గర సంచలన విజయం సాధించింది. కమర్షియల్ గా సక్సెస్ సాధించడం కంటే ఎక్కువుగా అందరి మనసులు దోచుకుంది. అంతే కాకుండా అంతర్జాతీయ అవార్డులు కూడా గెలుచుకోవడం ఓ విశేషం అయితే… ఒకటి కాదు.. రెండు కాదు ఏకంగా 100 అవార్డులకు పైగా ఈ బలగం సినిమా దక్కించుకోవడం మరో విశేషం.
చదవండి: పరువంతా మీడియా తీసేసింది: నటి హేమ
ఇదిలా ఉంటే.. బలగం డైరెక్టర్ వేణు నెక్ట్స్ ఏంటి అంటే.. నేచురల్ స్టార్ నానితో సినిమా అంటూ గత కొన్ని రోజులుగా ప్రచారం జరుగుతోంది. ఈ చిత్రాన్ని కూడా దిల్ రాజు బ్యానర్లోనే నిర్మించనున్నారని వార్తలు వచ్చాయి. అయితే.. ఏమైందే ఏమో కానీ.. నాని ఈ సినిమాకి నో చెప్పాడని.. దసరా డైరెక్టర్ శ్రీకాంత్ ఓదెలతో సినిమా చేసేందుకు ఓకే చెప్పారని తెలిసింది. సరిపోదా శనివారం ప్రమోషన్స్ లో భాగంగా మీడియా ముందుకు వచ్చిన నానికి బలగం వేణుతో సినిమా గురించి ప్రశ్న ఎదురైంది.
దీనికి నాని ఏం చెప్పారంటే.. దిల్ రాజు గారు ఏ డైరెక్టర్ తో వర్క్ చేయాలి అనుకుంటున్నావ్ అని అడిగితే.. బలగం వేణుతో చేయాలనివుందన్నాను. ఆతర్వాత వేణు, దిల్ రాజు గారితో కలిసినప్పుడు ముగ్గురుం కలిసి సినిమా చేయాలని అప్పటికప్పుడు అనుకున్నాం.. కానీ కథ లేదు. భవిష్యత్ లో తప్పకుండా వేణుతో సినిమా చేస్తానని చెప్పారు నాని. సో.. కథ నచ్చకపోవడం వలన సినిమాకి నో చెప్పడమో మరోటో కాదు.. భవిష్యత్ లో ఈ కాంబోలో మూవీ పక్కా.. ఇది మేటరు.
