యంగ్ టైగర్ ఎన్టీఆర్ నటించిన మూవీ దేవర. ఈ సినిమాతో పాటు వార్ 2 మూవీలో కూడా నటిస్తున్నాడు. అయితే.. దేవర, వార్ 2 ఈ రెండు సినిమాలు సెట్స్ పై ఉండగానే.. సెన్సేషనల్ డైరెక్టర్ ప్రశాంత్ నీల్ తో ఎన్టీఆర్ భారీ చిత్రాన్ని అనౌన్స్ చేశారు. ఆగష్టులో ఈ మూవీ షూటింగ్ స్టార్ట్ చేస్తామన్నారు కానీ.. ఇంత వరకు షూటింగ్ స్టార్ట్ కాలేదు. కారణం ఏంటి..? ఈ క్రేజీ మూవీ సెట్స్ పైకి వచ్చేది ఎప్పుడు..?
ఎన్టీఆర్ దేవర షూటింగ్ కంప్లీట్ చేశారు. ఈ మూవీ సెప్టెంబర్ 27న థియేటర్స్ లోకి వచ్చేందుకు రెడీ అవుతుంది. వార్ 2 షూటింగ్ లో పాల్గొన్నారు కానీ.. ఎన్టీఆర్ చేతికి గాయం అవ్వడం వలన బ్రేక్ ఇచ్చారు. త్వరలో ఎన్టీఆర్ వార్ 2 షూటింగ్ లో జాయిన్ అవుతారు. టాలీవుడ్ హీరో ఎన్టీఆర్, బాలీవుడ్ హీరో హృతిక్ రోషన్ కలిసి చేస్తోన్న వార్ 2 మూవీ పై అంచనాలు భారీగా ఉన్నాయి. ఈ మూవీని బ్రహ్మస్త్ర డైరెక్టర్ అయాన్ ముఖర్జీ తెరకెక్కిస్తున్నారు. త్వరలో రామోజీ ఫిలింసిటీలో ఈ మూవీకి సంబంధించిన కీలక సన్నివేశాలను చిత్రీకరించనున్నారు. వచ్చే సంవత్సరం ఆగష్టులో ఈ మూవీని రిలీజ్ చేయనున్నారు.
చదవండి: “కల్కి 2” రిలీజ్ ట్విస్ట్. అసలు ఏమైంది..?
ప్రశాంత్ నీల్ తో చేసే సినిమా అప్ డేట్ ఏంటంటే… ప్రస్తుతం ప్రశాంత్ నీల్ ఈ మూవీలో నటించే ఆర్టిస్టులు ఎవరెవరు అనేది ఫైనల్ చేస్తున్నారట. కథానాయికగా కైరా అద్వానీని ఫైనల్ చేసారని టాక్ వినిపిస్తోంది. మైత్రీ మూవీ మేకర్స్ ఈ చిత్రాన్ని అత్యంత ప్రతిష్టాత్మకంగా నిర్మిస్తోంది. అక్టోబర్ నెలాఖరున లేదా నవంబర్ ఫస్ట్ వీక్ నుంచి ఈ మూవీని సెట్స్ పైకి తీసుకురానున్నారని తెలిసింది. ఇందులో ఎన్టీఆర్ ను ఇంత వరకు ఎవరూ చూపించని విధంగా చాలా పవర్ ఫుల్ గా చూపించబోతున్నారని సమాచారం. ఈ భారీ పాన్ ఇండియా మూవీని 2026లో జనవరి 9న రిలీజ్ చేయనున్నారు. మరి.. ఎన్టీఆర్, ప్రశాంత్ నీల్ కలిసి ఏ రేంజ్ లో సెన్సేషన్ క్రియేట్ చేస్తారో చూడాలి.
