డిస్నీ ఫ్లస్ హాట్ స్టార్ లోకి మరో రొమాంటిక్ ఎంటర్ టైనర్ స్ట్రీమింగ్ కు రాబోతోంది. ప్రియదర్శి, నభా నటేష్ హీరో హీరోయిన్లుగా నటించిన “డార్లింగ్” సినిమా ఈ నెల 13వ తేదీ నుంచి డిస్నీ ఫ్లస్ హాట్ స్టార్ లో “డార్లింగ్” స్ట్రీమింగ్ కు రాబోతోంది. ఈ సినిమా గత నెల 19న థియేట్రికల్ రిలీజ్ కు వచ్చింది. థియేటర్స్ లో ప్రేక్షకుల్ని బాగా ఎంటర్ టైన్ చేసింది. ఇప్పుడు డిస్నీ ఫ్లస్ హాట్ స్టార్ లో వైడ్ రేంజ్ ఆడియెన్స్ కు “డార్లింగ్” చేరువ కానుంది.
చదవండి: అలనాటి రామచంద్రుడులో సిద్ధుగా ఆకట్టుకుంటా : హీరో కృష్ణ వంశీ
ప్రైమ్ షో ఎంటర్ టైన్ మెంట్స్ బ్యానర్ పై నిరంజన్ రెడ్డి, శ్రీమతి చైతన్య “డార్లింగ్” సినిమాను నిర్మించారు. ఈ చిత్రానికి అశ్విన్ రామ్ దర్శకత్వం వహించారు. బ్రహ్మానందం, విష్ణు, కృష్ణతేజ్, అనన్య నాగళ్ల ఇతర కీలక పాత్రల్లో కనిపించారు. స్ప్లిట్ పర్సనాలిటీ ఉన్న భార్యతో భర్త పడే ఇబ్బందులను హిలేరియస్ గా చూపిస్తూ ఆడియెన్స్ ను ఎంటర్ టైన్ చేసిందీ సినిమా.
