గ్లోబల్ స్టార్ రామ్ చరణ్ ప్రస్తుతం గేమ్ ఛేంజర్ మూవీలో నటిస్తున్న విషయం తెలిసిందే. ఈ సినిమా తర్వాత చరణ్ నటించే మూవీ బుచ్చిబాబు డైరెక్షన్ లో. ఈ మూవీ ప్రీ ప్రొడక్షన్ వర్క్ ఎప్పుడో కంప్లీట్ అయి చరణ్ ఎప్పుడు డేట్స్ ఇస్తాడా..? ఎప్పుడు షూటింగ్ స్టార్ట్ చేద్దామా అని ఆతృతగా ఎదురు చూస్తున్నాడు బుచ్చిబాబు. ఇది ఒక స్పోర్ట్స్ బ్యాక్ డ్రాప్ లో జరిగే కథ అని.. ఈ మూవీలో చరణ్ క్యారెక్టర్ చాలా పవర్ ఫుల్ గా ఉంటుందని టాక్ వినిపించింది. అంతే కాకుండా.. ఈ మూవీకి టైటిల్ పెద్ది అని కూడా ప్రచారం జరిగింది. ఈ మూవీలో కన్నడ స్టార్ శివరాజ్ కుమార్ కీలక పాత్ర పోషిస్తున్నారు.
ఈ సినిమా గురించి తెలిసింది ఇంత వరకే. అయితే.. ఓ కార్యక్రమానికి వెళ్లిన చరణ్ కు యాక్షన్, కామెడీ ఈ రెండింటిలో ఏ జోనర్ లో సినిమాలు చేయాలని వుందనే ప్రశ్న ఎదురైంది. దీనికి చరణ్ ఈమధ్య కామెడీ బాగా మిస్ అయ్యానని చెప్పారు. అంతటితో ఆగకుండా బుచ్చిబాబు డైరెక్షన్ లో చేస్తున్న మూవీలో కొంత కామెడీ చేయబోతున్నట్టుగా ప్రటించారు. ఇప్పటి వరకు ఇది సీరియస్ స్పోర్ట్స్ ఫిల్మ్ అనుకుంటే.. ఇందులో కామెడీ కూడా ఉందని చెప్పి సినీ జనాలను సర్ ఫ్రైజ్ చేశాడని చెప్పచ్చు.
చదవండి: అభయను హత్యాచారం చేసింది నేను కాదు..?
కామెడీ పండించడంలో చిరంజీవి దిట్ట. ఆయన కామెడీ స్టైలే వేరు. మరి.. చిరు తరహాలో చరణ్ కూడా కామెడీ చేసి మెప్పిస్తాడా అనేది ఆసక్తిగా మారింది. అసలు విషయం బయటపెట్టాడు కానీ.. ఈ సినిమా ఎప్పుడు సెట్స్ పైకి వస్తుందో మాత్రం చెప్పలేదు. గత కొంతకాలంగా ప్రీ ప్రొడక్షన్ వర్క్ జరుపుకుంటూనే ఉంది. మరి.. శంకర్ ఎప్పుడు చరణ్ కి వదలుతాడో.. చరణ్ ఎప్పుడు బుచ్చిబాబు మూవీ స్టార్ట్ చేస్తాడో..?
