రామ్ చరణ్ హీరోగా దర్శకుడు బుచ్చిబాబు ఓ సినిమాను రూపొందిస్తున్నారు. ఈ చిత్రాన్నికి ఆర్సీ 16 అనే వర్కింగ్ టైటిల్ పెట్టారు. ఈ సినిమాను వృద్ది సినిమాస్, మైత్రీ మూవీ మేకర్స్, సుకుమార్ రైటింగ్స్ సంయుక్తంగా నిర్మిస్తున్నాయి. ఈ సినిమాలో నటించాలనుకునే ఔత్సాహిక నటీనటులకు ఛాన్స్ ఇస్తోంది మూవీ టీమ్.
ఉత్తరాంధ్రకు చెందిన వారు మాత్రమే అర్హులుగా పేర్కొంది. సినిమా అంతా ఉత్తరాంధ్ర స్లాంగ్ తో సాగనుంది. దీంతో అక్కడి స్థానికులకే అవకాశాలు ఇవ్వాలని టీమ్ నిర్ణయించారు. ఈ మేరకు కాస్టింగ్ కాల్ ఇచ్చారు. విజయనగరం, శ్రీకాకుళం, విశాఖపట్నం, సాలూరులో ఆడిషన్స్ చేస్తున్నారు.
అన్ని ఏజ్ గ్రూప్స్ మహిళలు, పురుషులు, పిల్లలు ఈ ఆడిషన్స్ లో పాల్గొనవచ్చు. ఈ నెల 5వ తేదీ నుంచి 15వ తేదీ వరకు ఆడిషన్స్ చేయబోతున్నారు. సెలెక్ట్ అయినవారికి ఈ సినిమాలో రామ్ చరణ్ తో కలిసి నటించే అవకాశం దక్కనుంది. గ్రామీణ నేపథ్యంలో సాగే స్పోర్ట్స్ డ్రామా కథతో ఆర్సీ 16 తెరకెక్కనుంది. త్వరలోనే ఈ సినిమాను సెట్స్ మీదకు తీసుకెళ్లనున్నారు.