విజయ్ దేవరకొండ హీరోగా నటిస్తున్న ఫ్యామిలీ స్టార్ రిలీజ్ డేట్ పై కొత్త న్యూస్ నెట్టింట చక్కర్లు కొడుతోంది. ఈ సినిమాను మార్చిలో రిలీజ్ చేస్తామని నిర్మాత దిల్ రాజు ఆ మధ్య ప్రెస్ మీట్ లో చెప్పారు. అయితే ఆ డేట్ ఏప్రిల్ కు వెళ్లినట్లు సోషల్ మీడియాలో చర్చ జరుగుతోంది. ఎన్టీఆర్ దేవర సినిమా ఏప్రిల్ 5 నుంచి వాయిదా పడిందన్న వార్తల నేపథ్యంలో..అదే డేట్ కు విజయ్ ఫ్యామిలీ స్టార్ ను రిలీజ్ చేయాలనే టాక్స్ జరుగుతున్నాయట.
సమ్మర్ సీజన్ మొదలయ్యే టైమ్ కాబట్టి ఫ్యామిలీ ఆడియెన్స్ థియేటర్స్ కు పెద్ద ఎత్తున వచ్చే ఛాన్స్ ఉంటుంది. సో ఫ్యామిలీ స్టార్ పేరులోనే ఫ్యామిలీ ఎంటర్ టైనర్ అని తెలుస్తోంది కాబట్టి ఈ డేట్ ఈ సినిమాకు పర్ ఫెక్ట్ అనే డిస్కషన్స్ చేస్తున్నారట. ఈ విషయంపై ఎలాంటి అఫీషియల్ క్లారిటీ, అనౌన్స్ మెంట్ లేదు. విజయ్, మృణాల్ ఠాకూర్ జంటగా దర్శకుడు పరశురామ్ పెట్ల రూపొందిస్తున్న ఫ్యామిలీ స్టార్ పై మంచి బజ్ క్రియేట్ అయి ఉంది. ఈ సినిమాను శ్రీవెంకటేశ్వర క్రియేషన్స్ బ్యానర్ లో దిల్ రాజు నిర్మిస్తున్నారు.