గోల్డ్ బాక్స్ ఎంటర్టైన్ మెంట్ (Gold box entertainment) పతాకంపై సుస్మిత కొణిదెల (susmita konidela) నిర్మాతగా సిద్ధార్ధ నాయుడు , రాజశేఖర్ సంయుక్తంగా దర్శకత్వం వహించిన వెబ్ సిరీస్ పరువు. ఈ వెబ్ సిరీస్ జీ 5 (Zee 5) లో ఈ నెల 14వ తేదీ నుంచి స్టీమింగ్ అవుతోంది. అయితే.. పరువు (paruvu web series) వెబ్ సిరీస్ ప్రమోషన్స్ లో భాగంగా నిర్మాతలలో ఒకరైన సుస్మిత కొణిదెల చాలా ఆసక్తికర విషయాలు పంచుకున్నారు. ఈ వెబ్ సిరీస్ ఆఫర్ జీ5 నుండే తమ దగ్గరకు వచ్చిందని ఆమె చెప్పారు.
సుస్మిత కొణిదెల మాట్లాడుతూ – నిర్మాతగా నేనూ మిగతా వారిలాగే సక్సెస్ కోసం కష్టపడాలి. మెగా ఫ్యామిలీ నుంచి వచ్చాను కాబట్టి ఎంట్రీ సులువే. కానీ నచ్చని ప్రాజెక్ట్ ఎవరూ చేయరు. త్వరలోనే చిరంజీవి గారితో సినిమా చేయడానికి మీ బ్లెస్సింగ్స్ కావాలి. రామ్ చరణ్, అల్లు అర్జున్ లకు చాలా కమిట్మెంట్స్ ఉన్నాయి. నేను అడిగానని వాళ్లు ముందే ఒప్పుకున్న సినిమాలు ఆపుకోలేరు. నేనెంత ఇంట్లో మనిషిని అయినా వాళ్లకు కథ నచ్చితేనే డేట్స్ ఇస్తారు. మెగా హీరోలతోనే కాకుండా ..అందరు హీరోలతో సినిమాలు ప్రొడ్యూస్ చేయాలని ఉంది. అన్నారు.
