మహా మూవీస్ మరియు ఎమ్ 3 మీడియా పతాకంపై వరుణ్ సందేశ్ ప్రధాన పాత్రలో ఆద్యంత్ హర్ష దర్శకత్వంలో మహేంద్ర నాథ్ కూండ్ల నిర్మించిన చిత్రం “విరాజి”. ఈ చిత్రం ఆగస్టు 2న విడుదల కానుంది. అయితే ఈరోజు వరుణ్ సందేశ్ పుట్టిన రోజు సందర్భంగా ‘కొత్త బంగారు లోకం’ చిత్ర దర్శకుడు శ్రీకాంత్ అడ్డాల విరాజి చిత్రం థియేట్రికల్ ట్రైలర్ ను విడుదల చేసారు.
ఈ సందర్భంగా శ్రీకాంత్ అడ్డాల మాట్లాడుతూ “వరుణ్ సందేశ్ నా మొదటి సినిమా కొత్త బంగారు లోకం లో హీరో గా నటించాడు. ఇప్పుడే విరాజి సినిమా ట్రైలర్ చూసాను. ట్రైలర్ చాలా బాగుంది. థ్రిల్లింగ్ గా అనిపించింది, విజువల్స్ కొత్తగా ఉన్నాయి, ప్రొడక్షన్ వ్యాల్యూస్ బాగున్నాయి, రిచ్ గా ఉంది సినిమా. సినిమా టైటిల్, వరుణ్ సందేశ్ గెట్ అప్ కూడా మరియు సినిమా కథ కూడా చాలా థ్రిల్లింగ్ గా ఉన్నాయి. ఈ చిత్రం వరుణ్ సందేశ్ కి సూపర్ హిట్ పక్కాగా అనిపిస్తుంది. నిర్మాత మహేంద్ర నాథ్ కూండ్ల గారికి నా అభినందనలు.
వరుణ్ సందేశ్ కి పుట్టిన రోజు శుభాకాంక్షలు. ఈ విరాజి చిత్రం ఆగస్టు 2న విడుదల అవుతుంది, అందరు చూసి సూపర్ హిట్ చేయాలి” అని కోరుకున్నారు
