మ్యూజిక్ సిట్టింగ్స్ కోసం బెంగళూరుకు వెళ్లింది విశ్వంభర టీమ్. మెగాస్టార్ చిరంజీవితో పాటు మ్యూజిక్ డైరెక్టర్ కీరవాణి, డైెరెక్టర్ వశిష్ఠ, సింగర్స్ లిప్సిక, రాహుల్ సిప్లిగంజ్, లిరిసిస్ట్ రామజోగయ్య శాస్త్రి బెంగళూరు వెళ్లిన టీమ్ లో ఉన్నారు. వీరు ఎయిర్ పోర్ట్ వద్ద, మ్యూజిక్ సిట్టింగ్స్ వద్ద తీసుకున్న ఫొటోస్ సోషల్ మీడియాలో షేర్ చేసింది నిర్మాణ సంస్థ యూవీ క్రియేషన్స్. ఈ ఫొటోస్ సోషల్ మీడియాలో చక్కర్లు కొడుతున్నాయి.
ఇక విశ్వంభర సినిమా శరవేగంగా కంప్లీట్ అవుతోంది. ఈ సినిమా ఇటీవలే డబ్బింగ్ కార్యక్రమాలు ప్రారంభించుకోగా..ఇప్పుడు మ్యూజిక్ సిట్టింగ్స్ మొదలుపెట్టారు. వచ్చే సంక్రాంతికి జనవరి 10న కంఫర్ట్ గా మూవీ రిలీజ్ చేసేందుకు దర్శకుడు వశిష్ఠ పక్కా ప్లానింగ్ చేసుకుంటున్నారు. ఈ క్రమంలోనే టాకీ పార్ట్ అనుకున్న షెడ్యూల్స్ లోనే కంప్లీట్ చేశారు. నెల రోజుల పాటు భారీ యాక్షన్ సీక్వెన్స్ తెరకెక్కించారు. ఇప్పుడు మ్యూజిక్ సిట్టింగ్స్ తో పోస్ట్ ప్రొడక్షన్ వర్క్ ఒక కొలిక్కి రానుంది.
