కాంగ్రెస్ సీనియర్ నేత, మాజీ మంత్రి డి. శ్రీనివాస్ కన్నుమూశారు. ఈ తెల్లవారుజామున 3గంటలకు గుండెపోటుతో మృతిచెందారు. కొంతకాలంగా అనారోగ్యంతో బాధపడుతున్నారు డి. శ్రీనివాస్. ఉమ్మడి రాష్ట్రంలో మంత్రిగా, పీసీసీ అధ్యక్షుడిగా డీఎస్ పనిచేశారు. డీఎస్ 1948 సెప్టెంబర్ 27న నిజామాబాద్ లో జన్మించారు. 1989,1999,2004లో ఎమ్మెల్యేగా ఎన్నికయ్యారు. 2004, 2009 ఎన్నికల సమయంలో పీసీసీ చీఫ్ గా డీఎస్ పనిచేశారు.
2014 తర్వాత కాంగ్రెస్కు రాజీనామా చేసి బీర్ఎస్లో చేరారు డి. శ్రీనివాస్. బీఆర్ఎస్ నుంచి రాజ్యసభ సభ్యుడిగా పని చేసి అనంతరం బీఆర్ఎస్ను వీడి సొంతగూటి కాంగ్రెస్లో చేరారు. డి. శ్రీనివాస్కు భార్య, ఇద్దరు కుమారులు. నిజామాబాద్ మేయర్గా పని చేసిన డీఎస్ పెద్ద కుమారుడు సంజయ్. నిజామాబాద్ బీజేపీ ఎంపీగా ఉన్న రెండో కుమారుడు ధర్మపురి అర్వింద్. ప్రస్తుతం హైదరాబాద్ నివాసంలో డీఎస్ పార్థీవదేహాన్ని ఉంచారు. డీఎస్ మృతి వార్త విని ఆయన నివాసానికి కాంగ్రెస్ శ్రేణులు, అభిమానులు తరలివచ్చారు. డీఎస్ మృతిపై కుమారుడు ధర్మపురి అర్వింద్ ట్వీట్ చేశారు. నా తండ్రి, గురువు అన్నీ నాన్నే భయపడకుండా పోరాడాలని నేర్పింది నాన్నే ప్రజల కోసమే జీవించాలని చెప్పేవారు అని ట్వీట్ లో అరవింద్ పేర్కొన్నారు. రేపు నిజాబామాద్లో డీఎస్ అంత్యక్రియలు జరగనున్నాయి.
