కూటమి సర్కార్ గత ప్రభుత్వ అవినితి భరతం పట్టే పనిలో పడింది. నాడు చంద్రబాబు&కోటరీపై వైఎస్‌ జగన్‌తోపాటు నోరుపారేసుకున్న నేతలను టార్గెట్ చేశారా అంటే అవుననే సమాధానమే వినిపిస్తోంది. ఇప్పటికే వల్లభనేని వంశీ,
జోగిరమేష్ తనయుడిని వివిధ కేసుల్లో అరెస్ట్ చేసిన విషయం మరవక ముందే…తరువాత ఏ కేసులో ఎవరిని అరెస్ట్ చేయబోతున్నారనేది వైఎస్ఆర్సీపీ శ్రేణుల్లో టెన్షన్‌కు గురిచేస్తోంది. నోటికొచ్చినట్టు బూతులు తిడుతూ ఇష్టానుసారం నోరుపారేసుకున్న వారిలో, అదీ కూడా ముందువరసలో కొడాలి నాని, రోజా ఉన్నారని…ఇక వారి పని అయిపోయిందంటూ చర్చించుకుంటున్న వేళ ‘ఆడుదాం ఆంధ్రా’ పేరుతో అవినీతి అంటూ టీడీపీకి చెందిన అనుకూల మీడియాలో వరుస కథనాలు రావడం చూస్తుంటే మాజీ మంత్రి రోజాకు ఇక అన్నీ బ్యాడ్‌ డేస్‌ అన్న సంకేతాలు వినిపిస్తున్నాయి.
రోజా అరెస్ట్‌కు రంగం సిద్ధం..?
నాడు క్రీడా శాఖా మంత్రిగా ఉన్న ఆర్కే రోజాపై ఇప్పుడు ఉవ్వెత్తున ఆరోపణలు లేవనెత్తాయి. ఆడుదాం ఆంధ్రా పేరిట వందలాది కోట్లు దోచుకున్నారని సీఐడీకి ఫిర్యాదులు అందాయి. దీంతో ప్రభుత్వం విచారణకు ఆదేశించింది. అయితే ఇందులో ఆర్కే రోజాతోపాటు, ధర్మాన కృష్ణదాస్‌, భైరెడ్డి సిద్ధార్ధరెడ్డిల ప్రమేయంపైనా సీఐడీ దృష్టిసారించబోతుందని టాక్‌. త్వరలోనే వీరందరికి నోటీసులు పంపేందుకు సీఐడి సిద్ధంగా ఉందని తెలుస్తోంది. ఈక్రమంలో వారు విచారణకు హాజరవుతారా…లేదా అన్నది ఉత్కంఠ నెలకొంది. అవినీతి జరిగిందని తేలితే త్వరలో ఈ స్కామ్‌లో అరెస్ట్‌లు ఉండబోతున్నాయనది అర్థమవుతోంది.
