వైసీపీ నేతలు ఇంత దారుణమా..?
తామే అధికారంలో ఉన్నామన్న అహకారంతో, నాటి వైఎస్ జగన్ ప్రభుత్వంలోని వైసీపీ నేతలు ఎంతపడితే అంతా చేశారు. ఇప్పుడు ఒక్కొక్కటిగా వారి అరాచకాలు వెలుగులోకి వస్తున్నాయి. కృష్ణా జిల్లా వైసీపీ నేత ప్రేమపేరుతో ఓ బాలీవుడ్నటిని లొంగతీసుకుని లైంగికంగా వాడుకుని వదిలేయడం, దీంతో తనను పెళ్లిచేసుకోమని బాలీవుడ్ నటి డిమాండ్ చేయడంతో…సదరు ఆ వైసీపీ నేత అధికారబలంతో ఆమెపైనా, ఆమె తల్లిదండ్రులపైనా విజయవాడలో కేసులుపెట్టి బెదిరించిమరీ వదిలించుకోవడం.. ఇప్పుడీ న్యూస్ హాట్టాపిక్గా మారింది. ఆ నేతకు నాడు సీఎం హోదాలో ఉన్న జగన్, ప్రభుత్వ సలహాదారుగా ఉన్న సజ్జల అండదండలు పుష్కలంగా ఉన్నాయన్న ఆరోపణలతో టీడీపీ వాగ్భాణాలు ఎక్కుపెట్టింది.
జగన్, సజ్జలను కడిగిపారేసిన టీడీపీ..!
వైసీపీ అధినేత వైఎస్ జగన్, నాటి ప్రభుత్వ సలహాదారు సజ్జల రామకృష్ణారెడ్డిపై ట్విట్టర్ వేదికగా టీడీపీ విరుచుకుపడింది. ప్రత్యేక విమానంలో వెళ్లి మరీ బాలీవుడ్ నటి కుటుంబసభ్యులను ఇద్దరు ఐపీఎస్ అధికారులు బెదిరించిమరీ ఈ విషయాన్ని డీల్ చేశారంటే సీఎం హోదాలో ఉన్న జగన్రెడ్డి అనుమతులు లేవని అనుకోవాలా?…ఏకంగా ఈ విషయంలో సీఎంవో ప్రమేయం ఉందంటే.. జగన్ రెడ్డి ఎలాంటి మాఫియా నడిపాడో అర్థమవుతుందని ఎద్దేవా చేసింది. జగన్…మీ ముఖ్య సలహాదారు సజ్జలను ఇలాంటి బ్రోకర్ పనులకు వాడతావా? అని మండిపడింది. ప్రజలకోసం పనిచేసే ఐపీఎస్లను ఇలాంటి తప్పుడు పనుల కోసం వాడతావా?.. మీకు నచ్చిన హీరోయిన్లను వేధించి లొంగదీసుకోవడానికా మీకు నాడు అధికారాన్ని ఇచ్చిందని..జగన్,సజ్జల కలిసిఉన్న ఫోటోను షేర్ చేస్తూ టీడీపీ ఆగ్రహం వ్యక్తం చేసింది.
