గురువారం జగన్ విదేశీ పర్యటన..!
అక్రమాస్తుల కేసులో బెయిల్‌పై ఉన్న మాజీ ముఖ్యమంత్రి వైఎస్ జగన్ గురువారం విదేశీ పర్యటనకు వెళ్తున్నారు. ఈ కేసులో A1 గా ఉన్న వైఎస్ జగన్‌కు సీబీఐ కోర్టు అనుమతిచ్చిన విషయం తెలిసిందే. కూతురు పుట్టినరోజు కోసం యూకే వెళ్లేందుకు ఈ నెల 3 నుంచి 25 వరకు అనుమతి కోరుతూ జగన్ పిటిషన్ దాఖలు చేయగా…ధర్మాసనం గ్రీన్ సిగ్నల్ ఇచ్చిది. అయితే విజయవాడను వరదలు ముంచెత్తడంతో బాధిత ప్రాంతాల్లో పర్యటించేలా రెండ్రోజులు ప్లాన్‌ చేసుకున్న రీత్యా మంగళవారం వెళ్లాల్సిన తమ అధినేత పర్యటన గురువారానికి వాయిదాపడిందని వైఎస్ఆర్సీపీ శ్రేణులు చెబుతున్నాయి.
చదవండి: 15 ఇయర్స్ ఆఫ్ నాగ చైతన్య ఇన్ తెలుగు ఫిల్మ్ ఇండస్ట్రీ
ఏపీకి కేంద్ర బృందం గురువారం రాక..!
ఆంధ్రప్రదేశ్ రాష్ట్రంలో వరదలతో నష్టపోయిన మూడు ప్రధాన జిల్లాల్లో గురువారం కేంద్ర బృందం పర్యటించబోతుంది. అక్కడి నష్టాలపై ఆరా తీయబోతోంది. కృష్ణా, ఎన్టీఆర్, గుంటూరు తదితర జిల్లాల్లో గురువారం ఇంటర్ మినీస్టిరియల్ టీమ్‌ సభ్యులు పర్యటిస్తారు. కేంద్ర హోంశాఖ అదనపు కార్యదర్శి సంజీవ్‌ కుమార్ జిందాల్ నేతృత్వంలో గల కేంద్రబృందం వరద ప్రభావిత ప్రాంతాల్లో పర్యటించి నేరుగా వరద మిగిల్చిన నష్టాన్ని అంచానావేస్తారని తెలుస్తోంది. అలాగే బాధితులతో కూడా నేరుగా మాట్లాడతారు కేంద్ర బృందం సభ్యులు. ఈ మేరకు ఏపీ సర్కార్ నుంచి ప్రకటన వెలువడింది.
